9 ສິ່ງທີ່ຄວນຮູ້ກ່ຽວກັບການຈ່າຍຄ່າສິນຄ້າດ້ວຍ "ຄິວອາໂຄດ" ບໍ່ຕ້ອງໃຊ້ເງິນສົດ ປອດໄພ ໝັ້ນໃຈ

ຫຼັງ​ຈາກ​ທີ່​ທາງ​ທ​ະນາຄານການຄ້າຕ່າງປະເທດລາວ​ເປີດ​ຕົວ​ BCEL OnePay ໃຊ້​ມາດຕະຖານ​ຄິວ​ອາ​ໂຄດ​ເພື່ອ​ການ​ຊຳ​ລະ​ເງີນ​ ສ້າງ​ສັງຄົມ​ໄຮ້​ເງິນ​ສົດ​ Cashless Society ເປີດ​ຊ່ອງ​ທາງ​ການ​ຊຳ​ລະ​ເງິນ​ຮູບ​ແບບ​ໃໝ່​ ເຊິ່ງ​ປະເທດ​ໄທ​ເປັນ​ປະເທດ​ອັນ​ດັບ​ຕົ້ນ​ໆ​ ທີ່​ນຳ​ເອົາ​ມາດຕະຖານ​ການ​ຊຳລະ​ເງິນ​ຜ່ານ​ລະບົບ​ QR Code ນີ້​ມາ​ໃຊ້​ງານ​ ດ້ວຍ​ວິທີ​ໃຊ້​ງານ​ງ່າຍ​ໆ​ ພຽງ​ແຕ່ສະ​ແກນ​ແລ້ວ​ຈ່າຍ​ ແບບ​ນີ້​ກໍ​ສະບາຍ​ຄັກ​! ພຽງເທົ່ານີ້​​ເອງ​ຈົບ ບໍ່ຫຼາຍຂັ້ນຕອນ​ ຈ່າຍ​ເງິນ​ໄດ້​ທັນທີ​!

ເຊິ່ງ​ລະບົບ​ ຄິວອາໂຄດ (QR Code) ນີ້​ຈະ​ມີ​ສ່ວນ​ຊ່ວຍ​ໃຫ້​ພໍ່​ຄ້າ​ແມ່​ຄ້າ​ລາຍ​ຍ່ອຍ​ລວມ​ໄປ​ເຖິງ​ຮ້ານ​ຄ້າຂະໜາດກາງ​ສາມາດ​ຂະຫຍາຍ​ຖານ​ລູກ​ຄ້າ​ໄດ້​ ເພາະ​ລູກ​ຄ້າ​ຈະ​ບໍ່​ຕ້ອງ​ພົກ​ເງິນ​ສົດ​ ຈ່າຍ​ເງິນ​ງ່າຍ​ຜ່ານ​ທາງ​ບັນ​ຊີ​ ຫຼື ​ບັດ​​ເຄຣ​ດິດ​ໄດ້​ທັນ​ທີ​ ເຮັດໃຫ້​ປະ​ຢັດ​ຄ່າ​ໃຊ້​ຈ່າຍ,​ ສະ​ດວກ,​ ປອດ​ໄພ​ ແລະ ​ວ່ອງໄວ​ເປັນ​ຢ່າງສູງ.​

ແຕ່​ໆ​ໆ​ໆ​ ນັ້ນ​ເປັນພຽງ​ແຕ່ການ​ໃຊ້​ງາ​ນໂດຍສັງເຂບເບື້ອງ​ຕົ້ນ​ເທົ່າ​ນັ້ນ​ ລາຍ​ລະອຽດ​ຂອງ​ການຈ່າຍເງິນຜ່ານການສະແກນ QR Code ເທົ່າ​ນັ້ນ​ ມັນ​ຍັງມີ​ອີກ​ຫຼາຍຢ່າງທີ່ຕ້ອງຮູ້ ໂດຍມີ 9 ຢ່າງງ່າຍໆຕາມທີ່ເຮົາຈະນຳສະເໜີຕໍ່ໄປນີ້.

ມາ​ເລີ່ມ​ກັນ​ທີ່​ການທຳຄວາມ​ເຂົ້າໃຈ​ທີ່​ຂອງ​ລະບົບ​  QR Code ກັນ​ກ່ອນ​

1.  QR Code ແມ່ນຫຍັງ?

QR Code ຫຍໍ້ມາຈາກ Quick Response Code ເຊິ່ງເປັນລະຫັດຊະນິດໜຶ່ງທີ່ຖືກພັດທະນາຈາກບາໂຄດ (barcode) ແຕ່ໃຊ້ງານງ່າຍກວ່າ ແລະ ເກັບຂໍ້ມູນໄດ້ຫຼາຍກວ່າ ເຊິ່ງເຮົາສາມາດສະແກນ QR Code ຜ່າໂທລະສັບມືຖືທີ່ເປັນສະມາດໂຟນ ໄດ້.

2.  ແລ້ວ QR Code ມາກ່ຽວກັບການຈ່າຍເງິນໄດ້ແນວໃດ

ຕອນນີ້ QR Code ໄດ້ຮັບການພັດທະນາໃຫ້ໃຊ້ຈ່າຍຄ່າສິນຄ້າ ແລະ ບໍລິການຕາມຮ້ານຄ້າໄດ້ແລ້ວ ໂດຍໃນ QR Code ຈະມີຂໍ້ມູນທີ່ຈຳເປັນສຳລັບການຈ່າຍເງິນຄ່າສິນຄ້າຕ່າງໆ ໃຊ້ຄຽງຄູ່ກັບແອັບມືຖືທີ່ເຊື່ອມຕໍ່ກັບບັນຊີທະນາຄານ, ບັດເຄຣດິດ, ບັດເດບິດ ຫຼື ບັດເອທີເອັມ ຂອງເຮົາ.

3. ໃຊ້ QR Code ຈ່າຍເງິນໄດ້ຢູ່ໃສແດ່?

QR Code ສາມາດໃຊ້ຊຳລະສິນຄ້າ ແລະ ບໍລິການໃຫ້ແກ່ຮ້ານຄ້າທົ່ວໄປເຊັ່ນ: ຮ້ານຂາຍເຄື່ອງຍ່ອຍ, ຮ້ານອາຫານ ຫຼື ກະທັ້ງຮ້ານຂາຍເຄື່ອງໃນຕະຫຼາດ, ລົດຮັບຈ້າງ, ຮ້ານຄ້າແຄມທາງ ລວມທັງຮ້ານຄ້າອອນລາຍອີກດ້ວຍ.

4. ວິທີການຈ່າາຍເງິນຜ່ານລະບົບ QR Code ເຮັດແນວໃດ?

ເປີດແອັບໂມບາຍແບັງຄິງຂອງທະນາຄານ ແລ້ວໃສ່ລະຫັດຜ່ານ.

ເລືອກປະເພດການຊຳລະເງິນ BCEL OnePay

ສະແກນ QR Code ຂອງຮ້ານຄ້າທີ່ຕ້ອງການຊຳລະຄ່າສິນຄ້າ ຫຼື ບໍລິການ.

ພິມຈຳນວນເງິນທີ່ຕ້ອງການຈ່າຍ.

ກົດຢືນຢັນການຈ່າຍ ແລ້ວຝັ່ງຜູ້ຮັບຈະໄດ້ຮັບການແຈ້ງເຕືອນເງິນເຂົ້າໃນໂທລະສັບຂອງຜູ້ຂາຍ.

5. ແລ້ວວົງເງິນທີ່ຈ່າຍຜ່ານລະບົບ QR Code ມີຈຳກັດບໍ່?

ການກຳນົດວົງເງິນໃນການຈ່າຍເພື່ອຊຳລະສິນຄ້າ ແລະ ການບໍລິການ ແມ່ນຢູ່ໃນເງື່ອນໄຂດຽວກັນກັບການໃຊ້ຕູ້ເທີເອັມ ເຊິ່ງຕ້ອງເບິ່ງລາຍລະອຽດຈາກທະນາຄານຕື່ມ ສ່ວນຄ່າທຳນຽມໃນຕອນນີ້ແມ່ນບໍ່ມີທັງຝັ່ງຜູ້ຮັບ ແລະ ຜູ້ຈ່າຍເງິນ.

6. ແຕ່ QR Code ມີມາດຕະຖານທີ່ໜ້າເຊື່ອຖື ເປັນທີ່ຍອມຮັບທົ່ວໄປແລ້ວ ຫຼື ຍັງ?

EMCo ເປັນອົງກອນຕ່າງປະເທດທີ່ດູແລສະໜັບສະໜູນການເຊື່ອມຕໍ່ເຄືອຂ່າຍການຊຳລະເງິນລະຫວ່າງປະເທດ ໄດ້ປະກາດໃຊ້ມາດຕະຖານສາກົນ QR Code ສຳລັບຈ່າຍເງິນທີ່ຜູກກັບບັດເຄຣດິດ, ເດບິດ ແລະ ເອທີເອັມ ຕັ້ງແຕ່ເດືອນກໍລະກົດ 2017 ທີ່ຜ່ານມາ.

7. ອ້າວ ແລ້ວຖ້າເປັນ QR Code ຂອງໃນລາວເຮົາຈະເຊື່ອຖືໄດ້ຄືກັນບໍ່?

ໃນລາວເຮົາກໍໃຊ້ມາດຕະຖານດຽວກັນກັບສາກົນ ສະນັ້ນເລື່ອງຄວາມປອດໄພແມ່ນຫາຍກັງວົນໄດ້.

8. ຂໍ້ແນະນະໃນການຈ່າຍຜ່ານ QR Code

ຢ່າລືມກວດສອບຂໍ້ມູນຮ້ານຄ້າໃຫ້ຖືກຕ້ອງກ່ອນການຢືນຢັນການຈ່າຍເງິນທຸກຄັ້ງ ເຊັ່ນ: ຊື່ຜູ້ຮັບ ແລະ ຈຳນວນເງິນ.

ຕັ້ງລະຫັດຜ່ານ ແລະ ຊື່ຜູ້ໃຊ້ຂອງແອັບທະນາຄານໃຫ້ຄາດເດົາຍາກ ແລະ ລະມັດລະວັງບໍ່ໃຫ້ລະຫັດກັບຄົນອື່ນໆ.

9. ຂໍ້ດີຂອງການຈ່າຍເງິນຜ່ານ QR Code

ສະດວກ: ໃຊ້ງານງ່າຍ ບໍ່ຕ້ອງພົກເງິນສົດ, ບໍ່ຕ້ອງຖ້າເງິນທອນ.

ປອດໄພ: ບໍ່ຕ້ອງພົກເງິນຈຳນວນຫຼາຍຕິດໂຕ ສ່ຽງຕໍ່ການຕົກເຮ່ຍ ຫຼື ຖືກປຸ້ນຈີ້.

ໝັ້ນໃຈ: ລະບົບການຊຳລະເງິນເປັນບໍລິການຂອງທະນາຄານ ເຊິ່ງທີຄວາມໜ້າເຊື່ອຖື ແລະ ລະບົບ QR Code ໃນລາວເປັນໄປຕາມມາດຕະຖານສາກົນ. 

ຂໍຂອບໃຈ ຂໍ້ມູນ   Pms Phetsavanh

                             muan.la