ຕົວເລກຄ່າທຳນຽມທາງ ທີ່ລົດແຕ່ລະປະເພດຕ້ອງເສຍ ເລີ່ມແຕ່30 ຕຸລານີ້ເປັນຕົ້ນໄປ.

.ຫ້ອງການກະຊວງການເງິນ ໄດ້ອອກແຈ້ງການ ເລກທີ 2667/ຫກງ ລົງວັນທີ 17 ຕຸລາ 2017 ເລື່ອງການເສຍຄ່່າທໍານຽມທາງ (ໃບຄ່າທາງ) ປະຈໍາປີ 2017   ໃຫ້ເລີ່ມເສຍຄ່າທຳນຽມທາງ ນັບແຕ່ວັນທີ 30 ຕຸລາ 2017 ເປັນຕົ້ນໄປ.
ການເສຍຄ່າທຳນຽມທາງ ປີ 2017 ຈະແກ່ຍາວຮອດ ວັນທີ 31 ມີນາ 2018  ເນື່ອງຈາກມີການປັບປຸງນິຕິກຳ ແລະ ກົນໄກການຄຸ້ມຄອງການເກັບຄ່າທຳນຽມທາງໃນປີ ດ້ວຍລະບົບທີ່ທັນສະໄໝຫຼ້າຊ້າ.
ແຕ່ຖ້າກາຍກຳນົດເວລາດັ່ງກ່າວ ຈະຖືກປັບໄໝຕາມແຕ່ລະກໍລະນີທີ່ໄດ້ກຳນົດໄວ້ໃນ IV ຂໍ້ 2 ຂອງຄຳແນະນຳຈັດຕັ້ງປະ ຕິບັດ ລັດຖະບັນຍັດວ່າດ້ວຍຄ່າທຳນຽມທາງສະບັບເລກທີ 3455/ກງ ລົງວັນທີ 10 ຕຸລາ 2017ດັ່ງນີ້:

+ ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ໄດ້ຊຳລະເງິນຄ່າທຳນຽມທາງຜ່ານທະນາຄານ ແຕ່ບໍ່ໄດ້ຮັບເອົາສະຕິກເກີ້ ພາຍໃນກຳນົດ15 ວັນ ນັບແຕ່ມື້ຊຳລະເງິນເປັນຕົ້ນໄປ ຈະຖືກປັບໃໝ 5% ຂອງມູນຄ່າທີ່ຊຳລະເງິນແລ້ວ ຕໍ່ຄັ້ງທີ່ກວດພົບເຫັນ.
+ ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ມີຍານພາຫະນະຢູ່ໃນກອງຄຸ້ມຄອງຂອງຕົນ ແຕ່ບໍ່ເສຍຄ່າທຳນຽມທາງຕາມເວລາທີ່ກຳນົດໄວ້ ຈະຖືກປັບໃໝ 0.1% ຕໍ່ມື້ ຂອງມູນຄ່າທີ່ຕ້ອງເສຍຄ່າທຳນຽມທາງປະຈຳປີ.

+ ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ມີຍານພາຫະນະຢູ່ໃນການຄຸ້ມຄອງຂອງຕົນ ແຕ່ບໍ່ເສຍຄ່າທຳນຽມທາງໃນປີຜ່ານມາໜຶ່ງປີ ຈະຖືກປັບໃໝ 40% ຕໍ່ປີ ຂອງມູນຄ່າທີ່ຕ້ອງເສຍຄ່າທຳນຽມທາງປະຈຳປີ.

+ ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ມີຍານພາຫະນະຢູ່ໃນການຄຸ້ມຄອງຂອງຕົນ ແຕ່ບໍ່ເສຍຄ່າທຳນຽມທາງໃນປີຜ່ານມາສອງປີຂຶ້ນໄປ ຈະຖືກປັບໃໝ 60% ຕໍ່ປີ ຂອງມູນຄ່າທີ່ຕ້ອງເສຍຄ່າທຳນຽມທາງປະຈຳປີ.
+ ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ເສຍຄ່າທຳນຽມທາງປະຈຳປີບໍ່ຖືກຕ້ອງຕາມທີ່ກຳນົດໄວ້ ຕ້ອງໄດ້ເສຍຄ່າທຳນຽມທາງຕື່ມ ໃຫ້ຄົບຖ້ວນຕາມຈຳນວນທີ່ຕ້ອງໄດ້ເສຍ ພ້ອມທັງຄ່າປັບໃໝ 60% ຂອງມູນຄ່າທີ່ຕ້ອງໄດ້ເສຍຕື່ມ.

+ ຜູ້ໃດທີ່ໄດ້ປອມແປງການເສຍຄ່າທາງໃນທຸກຮູບແບບ ຈະຖືກປັບໃໝ 2 ເທົ່າ ຂອງຄ່າທຳນຽມ ທີ່ຕ້ອງເສຍ ແລະ ພ້ອມກັນນັ້ນ ຈະຖືກລົງໂທດທາງອາຍາ ຕາມແຕ່ລະກໍລະນີເບົາ ຫຼື ໜັກ.

ສຳລັບຄ່າທຳນຽມທາງ ຕາມລັດຖະບັນຍັດຂອງປະທານປະເທດເລກທີ 001/ປປທ ລົງວັນທີ 20 ກັນຍາ 2017ມີດັ່ງນີ້