ຈາກໃຈ!! ນຸ້ຍ ສຸພາພອນ MISS UNIVERSE LAOS 2017 ກ່ອນຈະມາເປັນຄຳວ່າ “ຊຸດປະຈຳຊາດລາວ”

ສຸພາພອນ ສົມວິຈິດ ຫຼື ນຸ້ຍ ໂພສຜ່ານເຟດບຸກສ່ວນຕົວວ່າ “ຈາກໃຈນຸ້ຍເອງຂໍຂອບໃຈທຸກຄົນທີ່ຢູ່ເບື້ອງຫຼັງ ທຸກຄົນທຸ້ມເທ່ ອາດຈະບໍ່ມີໃຜຮູ້ວ່າພວກເຂົາທຸ້ມເທ່ເພື່ອປະເທດຊໍ່າໃດ ບໍ່ໄດ້ຫຼັບບໍ່ໄດ້ນອນ ທຸກຄົນຕັ້ງໃຈຢາກເຫັນຊຸດລາວທີ່ນຸ້ຍເປັນຕົວແທນໄປຢືນຢູ່ເວທີໂລກແລ້ວປະກາດອອກໄປວ່ານີ້ຄື ລາວ ວັດທະນະທຳ ຮີດຄອງປະເພນີ ທີ່ສະແດງອອກບົນຊຸດ ໃຫ້ເອກອ້າງຄວາມເປັນລາວຢ່າງພູມໃຈ”

ການອອກແບບຊຸດປະຈຳຊາດໃນຄັ້ງນີ້ ແມ່ນໄດ້ແຮງບັນດານໃຈມາຈາກການໃຊ້ວັດທະນະທຳບຸນປະເພນີອອກພັນ ແລະ ຄວາມເປັນຈິງຂອງປວງຊົນລາວທຸກຄົນ ທີ່ສືບສານວັດທະນະທຳມາແຕ່ດັ້ງເດີມ ເປັນຕົ້ນແມ່ນ ບຸນປະເພນີລອຍກະທົງ, ໄຫຼເຮືອໄຟ ແລະ ກິດຈະກຳແສງສີທີ່ປະຊາຊົນລາວໄດ້ສືບສານປະຕິບັດໃນແຕ່ລະປີ ແລະ ໄດ້ນຳມາປະສົມປະສານກັບການນຸ່ງຖືແບບຜູ້ຍິງລາວດັ້ງເດີມ ເຊິ່ງແມ່ນການນຸ່ງສີ້ນ ເກົ້າຜົມບ່ຽງແພ ແລະ ທີ່ຂາດບໍ່ໄດ້ເລີຍກໍແມ່ນດອກໄມ້ນາໆຊະນິດ ເຊິ່ງເຮົາກໍໄດ້ຍົກເອົາດອກດາວເຮືອງເຊິ່ງເປັນດອກໄມ້ທີ່ຂາດບໍ່ໄດ້ເລີຍໃນງານບຸນຕ່າງ ຈຶ່ງໄດ້ມາເປັນ ຊຸດ “ທິດາພັນສາເຮືອງມາລາ”