ລາວໝັ້ນໃຈ ສີ ຈິ້ນຜິງ ໜຸນຄວາມຮ່ວມມືເຊີ່ງກັນ ແລະ ກັນ.

   ທ່ານ ບຸນຍັງ ວໍລະຈິດ ປະທານປະເທດແຫ່ງ ສ.ປ.ປ ລາວ ກ່າວວ່າການມາເຍືອນ ສ.ປ.ປ ລາວ ຂອງປະທານາທິບໍດີ ສີ ຈິ້ນຜິງ ຂອງຈີນໃນວັນນີ້ ຈະຊ່ວຍກະຊັບຄວາມສຳພັນ ແລະ ສົ່ງເສີມຄວາມຮ່ວມມືຂອງທັງສອງປະເທດ ທັງນີ້ ທ່ານ ບຸນຍັງ ວໍລະຈິດ ຍັງກ່າວໃນພິທີລ້ຽງຮັບຕ້ອນປະທານາທິບໍດີ ສີ ຈິ້ນຜິງ ອີກວ່າ ສ.ປ.ປ ລາວສະແດງຄວາມຍິນດີຕໍ່ຄວາມສຳເລັດຂອງການປະຊຸມສະມັດຊາພັກຄອມມູນິດຈີນທີ່ຜ່ານມາ ແລະ ເຊື່ອວ່າຄົນຈີນຈະບັນລຸເປົ້າໝາຍຕໍ່ຍຸດທະສາດພາຍໃຕ້ການນຳຂອງ ປະທານາທິບໍດີ ສິ ຈິ້ນຜິງ ໃນຖານະທີ່ເປັນເລຂາທິການພັກຄອມມູນິດຈີນ.


    ຂະນະດຽວກັນ ປະທານາທິບໍດີ ສີ ຈິ້ນຜິງ ກ່າວວ່າ ມີຄວາມດີໃຈຫຼາຍທີ່ເຫັນຄວາມຄືບໜ້າໃນການພັດທະນາເສດຖະກິດຂອງ ສ.ປ.ປ ລາວ ລວມທັງມີສະຖຽນລະພາບທາງສັງຄົມ ແລະ ການສົ່ງເສີມກຳກັບເບີ່ງແຍງທີ່ມີປະສິດທິຜົນ ແລະ ຄວາມປອງດອງຂອງປະຊາຊົນ ນັບແຕ່ໄດ້ເດີນທາງເຍືອນ ສ.ປ.ປ ລາວ ເມື່ອ 7 ປີກ່ອນ.