Facebook Messenger ມີຄົນໃຊ້ເຖິງ 1.3 ພັນລ້ານຄົນຕໍ່ເດືອນແລ້ວ

Facebook Messenger ມີຄົນໃຊ້ເຖິງ 1.3 ພັນລ້ານຄົນຕໍ່ເດືອນແລ້ວ 

Facebook ປະກາດຄວາມສໍາເລັດດ້ວຍຍອດຕົວເລກຜູ້ໃຊ້ງານ Messenger ຫຼາຍເຖິງ 1.3 ພັນລ້ານຄົນຕໍ່ເດືອນ ແລະ ມີການກົດໃຊ້ງານ Feature Messenger Day 70 ລ້ານຄົນຕໍ່ມື້ ເລີ່ມຈາກ Messenger Day Feature ທີ່ໃຫ້ຜູ້ຫຼິ້ນສາມາດກົດໂພສຮູບພາບ ແລະ ວິດີໂອ ເຊິ່ງນັບແຕ່ມື້ເປີດໂຕມາແລ້ວ 6 ເດືອນ ມີຍອດຜູ້ໃຊ້ງານເຖິງ 70 ລ້ານຄົນຕໍ່ມື້ ແຕ່ກໍ່ຍັງໜ້ອຍກວ່າຜູ້ໃຊ້ງານຂອງ Instagram Stories ທີ່ເປີດໂຕພຽງ 2 ເດືອນມີຍອດຜູ້ໃຊ້ງານເຖິງ 100 ລ້ານຄົນ ໃນຂະນະດຽວກັນ WhatsApp Status ທີ່ເປີດໂຕພຽງ 10 ອາທິດ ແຕ່ມີຄົນໃຊ້ງານເຖິງ 175 ລ້ານຄົນ ເຊິ່ງເຮັດໃຫ້ຕອນນີ້ສາມາດເອົາຊະນະຄູ່ແຂ່ງຢ່າງ Snatchat ໄປເປັນຢ່າງທີ່ຮຽບຮ້ອຍແລ້ວ (Snapchat ມີຜູ້ໃຊ້ງານ 173 ລ້ານຄົນຕໍ່ມື້) 

 ສ່ວນຕົວເລກຜູ້ໃຊ້ງານ Messenger ທີ່ມີ 1.3 ພັນລ້ານຄົນຕໍ່ເດືອນນັ້ນແມ່ນເພີ່ມຂຶ້ນ 100 ລ້ານຄົນນັບຈາກເດືອນເມສາທີ່ມີຜູ້ໃຊ້ງານ 1.2 ພັນລ້ານຄົນ ເຫັນໄດ້ວ່າມີຈໍານວນເພີ່ມຂຶ້ນຢ່າງຕໍ່ເນື່ອງ ໃນຂະນະທີ່ແອັບຍອດນິຍົມຂອງຈີນ Wechat ເມື່ອເດືອນພຶດສະພາທີ່ຜ່ານມານີ້ມີຜູ້ໃຊ້ງານພຽງ 938 ລ້ານຄົນຕໍ່ເດືອນເທົ່ານັ້ນ